Bandhig bille ah oo xukuumadda Soomaaliya ku soo bandhigto ayaa xalay lagu qabtay magaalada Muqdisho.
Bandhiggan ayaa u muuqday olole siyaasadeed, waxaana lagu soo bandhigay Ra’iisal wasaare Kheyre oo u muuqday musharax ku jira olole siyaasdadeed, waxaase dadkii goobta ka hadlay ay intda badan diiradda saareen mooshin ay wadaan qaar ka mida xildhibaannada Baarlamaanka.
Qaar kamid ah Golaha Wasiirada Xukuumadda Federaalka Soomaaliya ayaa goobta Ku soo bandhigay waxyaabihii u qabsoomay tan iyo Markii la magacaabay iyo howlaha u qorshayeysan waqtiyada soo socda .
Ra’iisul wasaaraha Xukuumadda Federaalka Soomaaliya oo ka hadlay Munaasabadda ayaa soo hadal qaaday waxyaabihii ka qabsoomay Amniga, Waxbarashada, Maaliyadda Dalka, Socdaalka, Qorshaha Qaranka iyo Arimaha bulshada.
“Waxaan u mahadcelinayaa Dadkii soo qaban-qaabiyay Munqasabaddan qiimaha Badan, qaar kamid ah Golaha Wasiirada ee Halkan Ku soo bandhigay waxa u qabsoomay waxay qeyb ka tahay isla-xisaabtanka, Wasiirada kale ee meesha ka maqan bisha soo socota ayaa iyagana halakan la keenayaa, Amniga waxbadan ayaa laga qabtay waxna wey ka harsan yihiin, tan iyo bishii Janaayo ilaa hadda mushaaraadka shaqaalaha waan bixinay waana wax Cusub muddo ka badan 27 sano” ayuu yiri R/wasaaraha XFS
Mudane Xasan Cali Khayre ayaa sheegay in ay Xukuumadiiso Dadaal ugu jirto sidii loo kobcin lahaa dhaqaalaha Dalka, si dalka uu isugu filnaado, isagoo soo hadal qaaday in Xukuumadda ay wado dadaal lagu dhisayo Ciidan Qaran oo hanta Amaanka guud ee Dalka.
“Waxaan dadaal ugu jirnaa sidii loo heli lahaa Ciidan Qaran oo tayo leh waxaana Ku guuleysanay in aan ciidanka u tirino hal hal, hadii ciidan Qaran lahelo waxaa imaanayo in lahelo Amaan lagu heli karo Cadaalad is doorasho magaalo ilaa tuulo iyo in loo tartamo xisbiyo ,waxaana bulshada qeybaheeda kala duwan ka codsananeynaa in ay kaalin ka qaataan Arimahaasi” ayuu yiri Mudane Xasan Cali Kheyre.
Wasiirada amniga, Qorsheynta, Maaliyadda iyo Gaadiidka cirka iyo dhulka oo ay wehliso wasiirka dhalinyarada iyo ciyaaraha ayaa bandhigga a jeediyay waxqabadka xukuumada.
SAWIRRO
