Tirada dadka ku dhintay weerarkii Alshabaab ku qaaday magaalada Nairobi, gaar ahaan dhismaha Dusit ee degmada Westland ayaa sare u kacday, iyadoo dadka ku dhintay ay ka mid yihiin laba nin oo Soomaali ah, saaxiibana ahaa.
Booliska ayaa sheegay inay tirada dhimashada dadkii ku dhintay weerarkii Nairobi ay gaartay 21 qof, dadka dhintay waxaa kamid ahaa sarkaal ka tirsan booliska Kenya, ganacsade Mareykan ah iyo taageere weyn oo dhinaca kubadda cagta ah.
Mas’uuliyiinta dalka Kenya waxay sheegeen in dhammaan dableydii weerarka soo qaaday la dilay balse hadda ay socdaan baaritaanno lagu raadinayo dadka kale ee looga shakisan yahay in kooxaha ay u fududeeyeen inay weeraka ka gaystaan huteelka DusitD2 ee ku yaalla galbeedka Kenya.
