Haweeney ka tirsan ciidamada Booliska ayaa maanta loo dalacsiiyay darajada Gaashaanle sare, iyadoo noqotay mid ka mida haweenkii ugu sareeyay ee heerkaas gaarta.
Taliyaha ciidanka booliiska Soomaaliyeed Sareeyo Gaas Maxamed Sheekh Xasan Xaamud ayaa u xiray darajada Gaashaanle sare haweeney kamid ah saraakiisha Booliska Soomaaliyeed oo lagu magacaabo Faadumo Xasan Maxamed (Neero).
Sarkaaladan ayaa ah Madaxa hHogaanka Is-dhaxgalka Bulshada iyo Booliska iyadoo lagu shaqadeeda iyo kartideeda, waxaana Faadumo ay ciidanka booliska Soomaaliyeed kusoo biirtay 1971, iyadoo xilal kala duwan kasoo qabatay Booliska.
Taliyaha Boolsika ayaa sidoo kale darajooyin loo dalacsiiyay u xiray madaxa Waaxda ka hortagga tacadiyadda haweenka iyo carruurta Dhamme Idil Cabdullaahi Xasan iyo kuxigeenkeeda Dhamme Raxma Salaad Maxamed.
Taliyaha ciidanka booliska S/G Maxamed Sheekh Xasan Xaamud oo ugu dambeyn ka hadlay goobtii dalacsiinta loogu xerayey saraakiishaan gabdhaha ah ayaa sheegay inay ku dadaalan in la xoojiyo booliska.
DAAWO SAWIRRO
