Wufuudii ugu horeysay ee ka qeyb galeysa shirka Kooxda Xiriirka Soomaaliya ee Ururka Iskaashiga Islaamka ayaa soo gaartay magaalada Muqdisho.
Shirkan ayaa berri ka furmaya magaalada Muqdisho, waxaana ka qeyb galaya wakiilo ka kala socda 15 dal oo arrimaah Soomaaliya qaabilsan, iyadoo markii ugu horeysay shirkaasi ay martigelineyso caasimadda Soomaaliya.
Wufuud ka ka kala socota Boqortooyada Sacuud Carabiya, Turkiga iyo Malaysiya, iyo sidoo kale wafdi uu hoggaaminayo Mudane Danjire Hishaam Yuusuf oo ah Kaaliyaha Xoghayaha guud ee Ururka Iskaashiga Islaamka ayaa maanta lagu soo dhoweeyay Garoonka diyaaradaha magaalada Muqdisho.
