Shan Xisbi siyaasadeed oo si KGM ah u diiwaangashan iyo Isbaheysiga xildhibaannada la baxay Badbaado Qaran ayaa qoraal ay soo saareen ku taageeray doorashada maamulka Jubbaland, iyagoo ka digay inay dowaladda Federaalka ku sameyso faragelin.
Qoraalka ay soo saareen Xisbiyada kala ah UPD ee uu hoggaamiyo Madaxweynihii hore Xasan Sheekh, Himilo Qaran oo uu guddoomiye u yahay madaxweynihii hore Shariif Sheekh Axmed, Xisbiga Wadajir ee C/raxmaan C/shakuur, Xisbiga, Ileyn, xisbiga Nabadda iyo Kutlada Badbaado Qaran ee Baarlamaanka ayaa War-saxaafadeed ay siwadajir ah u soo saareen waxay la safteen maamulka Axmed Madoobe iyagoo bogaadiyey horumarka laga gaaray in doorashada lagu qabto xilligeeeda, basle waxay walaac ka muujiyeen faragelinta dowladda federaalka iyo ee Doorashooyinka Jubbaland iyo
Xisbiyada ayaa waxaa ay walaac ka muujiyeen Dowladda federaalka oo ay shegeen inay faragelin ku heyso howlaha doorashooyinka ee k socda Dowlad goboleedka Jubbaland, iyaga oo dowladda ugu baaqay in sugida Amniga ay uga dambeeyaan Jubbaland.
Sidoo kale waxaa ay sheegeen inay uga digayaan dowladaha deriska qaarkood inay farageliyaan arrimaha doorashooyinka Jubbaland oo soo ifbaxayaan dhaq dhaqaaqyo Cusub oo shaki abuuri kara sidii ka dhacday Magalada Baydhabo oo aan ka mid aheyn waajibaadkooda, waxayna u digeen dowlado deris ah oo ay sheegeen inay soo if baxeyso faragelin ay ku hayaan doorashadaasi.
Hoos Ka Akhriso War-Saxaafadeedka
