Madaxweynaha maamulka Koonfur Galbeed Soomaaliya Shariif Xasan Sheekh Aadan ayaa magacaabay xilal cusub oo ka mida garsoorka maamulkiisa.
Shariif Xasan ayaa wareegto uu soo saaray ku magacaabay Guddoomiyaha cusub ee Maxkamadda Sare ee maamulka K/Galbeed iyo Xeer ilaaliyaha guud. Guddoomiyaha Maxakamadda sare ee K/Galbeed ayaa loo magacaabay Axmed Cali Muuse.
Sidoo kale waxaa Xeer Ilaaliyaha guud ee maamulka Koonfur Galbeed loo magacaabay Maxamed Macalin Cabdiyow. Guddoomiyihii hore ee Maxkamadda sare ayaa hore u sheegay in xil ka qaadistiisa ay sharci darro tahay.
