Shirkii Khamiis laha ahaa ee Golaha Wasiirada Xukuumadda Federaalka Soomaaliya ayaa weli ka socda magaalada Muqdisho.
Shirka waxaa guddoominaya Ra’iisul Wasaaraha Xukuumadda Federaalka Soomaaliya Mudane Xasan Cali Khayre, iyadoo looga hadlayo howlaha horyaala Golaha Wasiirada Xukuumadda Soomaaliya.
Waxaahore loo qorsheeyay in shirka maanta ee Golaha Wasiirada uu ka furmo magaalada Baydhabo, balse waxaa dib u dhac uu ku yimid arrintaasi, kadib markii maamulka Koonfur Galbeed uu sheegay inuu ku howlan yahay qabanqaabadda munaasabdda lagu xusayo sanad guuradii 3-aad ee ka soo wareegatay dhismaha maamulka koonfur Galbeed.
Shirka golaha wasiirada oo weli socda ayaa waxaa isaga baxay isagoo careysan wasiirka maaliyadda C/raxmaan Beyle, kadib markii dood adag dhex martay Ra’iisal wasaare Xasan Cali Kheyre.
Shirka oo xasaasi ah ayaa wasiirada qaarkood su’aalo ka keeneen arrimo badan oo Ra’iisal wasaare Kheyre ku howlan yahay, waxaana la filayaa inuu dhowaan soo gabagaboobo.
DEGDEG: Wasiirka Maaliyadda Xukuumadda Soomaaliya oo isaga baxay Shirka socda ee Golaha Wasiirada
