Wasaarada Awqaafta iyo Diinta Dowladda Federaalka ayaa shaacisay inay maalinta beri ah ee Jimcaha ay ku beegan tahay 1-da Bisha Shawaal oo ay tahay maalintii koowaad ee Ciidul fitriga (Soonfur). Agaasimaha Guud ee Wasaarada Sheekh Kheyroow Aadan Muqdisho uga dhawaaqay arrintan.
Meelo kala duwan ayaa la sheegay inay laga arkay Bisha Shawaal gudaha dalka Soomaaliya sida:
SOOMAALIYA
Sheekh Cabdinaasir oo ka mid ah culimada ku sugan magaalada Laascaanood ayaa sheegay in magaalo 100 km u jirta Laascaanood lagu arkay bisha.
Qof kale oo ku sugan gobolka Shabeelaha Hoose ayaa sheegay in 11 qof oo uu ku kalsoonyahay ay arkeen bishii Shawaal.
Sheekh Bashiir Axmed Salaad Guddoomiyaha hay’adda Culimada Soomaaliyeed ayaa isna sheegay in culimada xiriiro kala duwan la sameeyeen ay u caddaatay bishii la arkay.
Qor kale oo isna ku sugan degmada Kaaraan ayaa sheegay inuu arkay bishii Shawaal.
Somaliland, Maamulada Puntland, K/Galbeed iyo Juba ayaa beri laga ciidayaa balse kooxda Ahlu suna ayaa la filayaa inay degaanadeeda ka joojiso ciida ayna ciid u noqon doonto Sabtida.
DUNIDA ISLAAMKA
Dhinaca kale dalalka islaamka ayaa dhawaaqay inay beri tahay ciid, dalalka ay beri u tahay ciida waxaa ka mida:
Sacuudiga
Qatar
Maleysia
Indonesia
Gini, Konakari
Masar
Lubnaan
Turkiga
Imaaraadka Carabta
Kuweyt iyo Sunada Ciraaq
iyo dalal kaloo fara badan, jaaliyadaha muslimka ee Yurub iyo America ayaa sidoo kale berito ciidaya.
Dhageyso heesta ciida & Maxamed Suleymaan tubeec
Wadani.
[ad name=”HTML-1″]
