Shan qof ayaa ku dhawacantay, qofkii is-miidaamiyaha ahaana waa ku dhintay qarax saaka ka dhacay laanta canshuuraha iyo dhaqaalaha Dekadda Muqdisho.
Afhayeenka ciidamada Booliska Kabtan Sadiiq Aadan Cali oo goobta qaraxu ka dhacay kula hadlay saxafiyiinta ayaa sheegya in ciidamada Booliska ay ka hortageen Gaariga qaraxa waday oo ahaa NISSAN SURF madow ah, oo laga hor istaagay inuu gaaro goobtii uu ku socday.
Wuxuu intaas ku daray in qaraxa ay ku dhaawacmeen 5 askari, isla markaana aysan jirin cid kale oo wax ku noqotay, isagoo caddeeyay in ciidamada oo feejignaa ay ka hortageen Gaariga qaraxa siday, ayna kaliya ku dhaawacmeen askartii hor istaagtay Gaariga.
Lama oga sida Gaariga qaraxa is-miidaaminta waday uu ku gaaray dekadda Muqdisho iyadoo xaafadaha Muqdisho ay kala xiran yihiin, isla markaana ay adag tahay in la isaga gudbo.
