Taliyihii ciidamada dalka Itoobiya Gen. Seare Mekonnen ayaa lagu dilay caasimadda dalka Itoobiya ee Addis ababa, kadib afgembi la isku dayey inuu ka dhaco maamulka Amxaaradda ee dalka Itoobiya.
Dilka Gen. Seare Mekonnen ayaa qeyb ka ahaa dadaalkii lagu fashiliyey iqilaabka Gobolka Amxaarada, waxayna dowladda Itoobiya sheegtay inuu toogtay askari ilaalo u ahaa taliyaha oo ku dilay gurigiisa, waxaana falkaasi ku dhintay Taliyaha ciidamada Itoobiya Gen. Seare iyo Jeneraal akle oo lagu magacaabo Gezai Abera.
Askariga dilkaasi geystay ayaa la sheegay in la xiray oo maxkamad suge uu yahay xilligan, waxaana geerida taliyaha ciidamada Itoobiya shaaciyey warbaahinta dowladda Itoobiya, iyadoo hore uu Ra’iisal wasaare Abiy Ahmed u sheegay in al toogtay Taliyaha.
Dowladda Itoobiya ayaa ku eedeysay afgembiga dhicisoobay ee Gobolka Amxaaradda inuu ka danbeeyay madixii amniga Gobolkaasi Asaminew Tsige, iyadoo magaalada BahirDar lagu dilay madaxweynihii maamulkaasi iyo la-taliyihiisa, laguna dhaawacay xeer ilaaliyihii Gobolka Amxaarada.
Madaxweyne KMG ah ayaa Gobolka Amxaarada loo magacaabay Lake Ayalew, waxaana ciidamo badan oo ka mida kuwa Federaalka Itoobiya loo diray Gobolkaasi.
HOOS KA AKHRISO BAYAANKA XAFIISKA RAIISAL WASAARAHA ITOOBIYA
