Jen. Yuusuf Indha-cadde oo sheegay inuu socdo Qorshe lagu Hay’ad ka mida dowladda iyo Alshabaab ku fulinayaan
Jeneraal Yuusuf Maxamed Siyaad (Indha-cadde) ayaa sheegay in Qaraxyada ka dhacay Magaalada Beledweyne ee lagu dilay Xildhibaan Aamina Maxamed Cabdi iyo dad fara badan oo kale iyo weerarkii Xalane lagu galay ay ahaayeen kuwo ay ku lug leeyihiin hay’adaha Amniga ee dowladda.
Yuusuf Indha-cadde wuxuu ku dooday in hay’ad kamid ah kuwa Amniga Soomaaliya oo ku milantay Al-shabaab, iyadoo dilal qorshaysan oo lagu khaarijinayo u diyaarisay siyaasiyiin ay ugu horeeyaan madaxweynihi hore ee dalka Xasan Sheekh Maxamuud iyo hoggaamiyaha xisbiga Wadajir Cabdiraxmaan Cabdishakuur Warsame.
“Waxaa la qorsheeyay weerarro loo adeegsanayo qaraxyo oo loo diyaariyay siyaasiyiin ay ugu horreyaan Xasan Sheekh Maxmuud iyo Cabdiraxmaan Cabdishakuur iyo shaqsiyaad kale oo anigu ku jiro” ayuu yuru Jeneraal Indha-cadde oo wareysi siiyay Idaacadda KNN.
Mar la weysiiyey weerarrkii Beledweyne iyo dilka xildhibaan Aamina Maxamed Cabdi ayuu sheegay inuu ahaa mid siyaasadaysan oo ay fulisay hay’ad kamid ah laamaha Amniga Soomaaliya oo Alshabaab ku xiran.
