Taliyaha Ciidamada Cirka Soomaaliya Jeneraal Maxamuud Sheekh Cali (Dable Bayloot) oayaa sheegay in diyaaradaha ciidamada cirka Soomaaliya lahaan jiray ee la sheegay inay Kenya xaraasheyso, aysan ahayn diyarado ee ay yihiin burburkii biraha diyaaradda, iyagana aan lagu sooowargelin.
Jeneraal Dable Baylood ayaa shegay in keliya hal diyaarad oo Soomaaliya lahayd ay Kenya muddo 30 sano ah taallay., halka Kenya ay soo bandhigtay xaraashka laba diyaaradood oo isku nooc ah.
“Markii ay dawladdu dhacaysay 5 january 1991 ayaa la geeyey meesha, waxaan ka xasuustaa Rome baan ka soo kacnay jabbuuti baan ku denay, kaddib kolkaan jabbuuti ka soo kacnay ayaan raadiyaha ka maqalnay diyaarad ciidammadu leeyihiin xamar ka kacday oo Kismaayo u socota galabtiina diyaaraddii waxay ka degtay Nayroobi.” ayuu yiri Taliyaha ciidamada Cirka Soomaaliya oo la hadlay BBC-da.
Diyaaraddan oo ka mid ahayd diyaaradihii Somali Air Force, ee ciidammada cirka. Nooceeda waa Anatov 24 oo ah diyaarad qadiimi oo xilli hor hawada ka baxday, Qiimaha ay Kenya ku xaraashayso ayaa 73 kun oo lacagteeda ah oo ku dhow 7000 Dollar.
“Adigu haddii aad baabuur inta meel dhigto uga tagto oo uu 30 sano yaallo, baabuurkaasi waa wax la tuuray saw maaha? Markaa waxaa la gadayaa waa birihi, ee maaha wax diyaarad ahaana loo iibinayo hadda” ayuu yiri janaraal Maxamuud Sheekh Cali
Sidoo kale Kenya ayaa sheegtay in diyaaradahan la dayacay ayaa ciriiri geliyeen hawl maalmeedkii Garoomada Diyaaradaha dalkaasi, taasioo keentay khatar dhanka amaanka ah.
