Arrintan ayaa qeyb ka ah olole Farmaajo ku beegsanayo Ra’iisal wasaare Rooble, kadib xil ka qaadsitii xubno ka tirsan Guddiga Xalinta Khilaafaadka Doorashada dadban.
Taliyaha Ciidanka Xoogga Gen. Odawaa Yuusug Raage ayaa soo saaray qoraal uu ku magacaabayo Guddi Saraakiil ah oo soo baara Dhulka lagu eedeeyay inuu boob ku dhisanayo Ra’iisal Wasaare Rooble Maxamed Xuseen Rooble.
Arintan ayaa qeyb ka ah olole qorsheyan oo Madaxweynaha xilkiisu dhammaaday Maxamed C/llaahi Farmaajo ku beegsanayo Ra’iisal wasaare Rooble, kadib xil ka qaadsitii xubno ka tirsan Guddiga Xalinta Khilaafaadka Doorashada dadban.
Qoraalka Taliyaha ayaa ka dambeeyay wareegto kale oo xalay xilli danbe la baahiyey, kana timid Wasiirka Gaasghaandhigga Xasan Xuseen Xaaji oo taliyaha looga dalbaday inuu dhaqaajiyo baaritaanka arrntan.
Qoraalka Taliya Odowaa Yuusuf ayaa lagu yiri: “Ayadoo la tixraacayo warqadda tixraaceedu yahay WG/XW/00174/21 kana soo baxday Xafiiska Wasiirka Wasaaradda Gaashaandhigga Xuk.F.S, soona baxday 21.12.2021 kuna saabsaneyd Baaritaan iyo wax ka Qabasho Dhacdo si waafaqsan sharciga. Laga bilaabo maanta oo ay Taariikhdu Tahay 21.12.2021, Waxaan Saraakiisha hoos ku xusan u magacaabay Guddi Baaritaan ku sameeya dhacdada ku cad warqadda kor ku xusan, waana sidaan magacyadooda:
1- S/Guuto Maxamud Sheikh Cali Maxamed – Guddoomiye
2. S/Guuto Maxamed Tahliil Biixi – Guddoomiye Ku Xigeen
3. S/Guuto Maxamed Xaashi Guulleed – Xubin
4. S/Guuto Maxamed Xasan Raage – Xubin
5- Cabdullahi Warsame Siyaad Xubin
Waxaa Guddiga Saraakiisha lagu adkeeyay in ay si hufan u gutaan shaqada iyo waaajibaadka loo igmaday.
Waxaa xusid mudan in qoraaladda ka dhanka ah Ra’iisal wasaaraha ee ay soo saareen Wasiirka Gaashaandhigga iyo Taliyaha ciidamada Xoogga aan lagu baahin warbaahinta dowladda ee si gaara loogu diray taageerayaasha iyo warbaahinta xiriirka la leh Villa Somalia.
