Taliyeyaashaugu sarreeya ciidamada qalabka sida ee Mareykanka ayaa shaaciyey inay is karantiileen, kaddib markii sarkaal sare oo ka tirsan ciidamada ilaalada xeebaha laga helay coronavirus.
War kasoo baxay Wasaaradda Difaaca Mareykanka ayaa lagu sheegay in taliyaasha is kaarantiilay ay ka mid yihiin taliyaha guud ee ciidamada qalabka sida Gen. Mark Milley, ku xigeenkiisa Gen. John Hyten iyo saraakiil sare oo ka tirsan Waaxda Difaaca Mareykanka.
Saraakiishan iyo qaar kale oo ka mid ah taliska ayaa dhawaan xarunta Waaxda Difaaca ee Pentagon-ka kula kulmay taliye ku xigeenka ciidamada llaalada xeebaha Mareykanka Adm. Charles W. Ray, kaasoo laga helay cudurka Covid-19.
Afhayeen u hadlay Pentagon oo lagu magacaabo Jonathan Hoffman ayaa sheegay in in taliyaasha ciidanka qalabka sida ee Mareykanka laga qaaday Talaadadi shalay tijaabada caafimaadka balse laga waayay xanuunka coronavirus.
Dhinaca kale iyadoo shaqaalaha iyo maamulayaasha Aqalka Cad u si weyn u halakeeyay cudurkan ayaa waxaa haddana Covid-19 laga helay Stephen Miller oo la-taliya sare ee Madaxweyne Trump, kadib markii uu xalay shaaciyay inuu qaaday xanuunka coronavirus.
Shaqaalaha Aqalka Cad ee aan weli laga helin cudurka ayaa isaga tegay Aqalka Cad oo hadda u shaqeynaya Guryahooda, waxaana dadka cudurka qaatay ee Aqalka Cad ka shaqeeya ay gaareen ku dhowaad 20 qof.
