Wasiirka iyo Wasiir ku xigeenka Wasaaradda Gaashaandhigga xukuumadda Soomaaliya ayaa maanta hor tegay Golaha Shacabka Baarlamaanka Federaalka ayaa markii ugu horeysay ka hadlay Qarixii ka dhacay Kulliyadda Jaalle Siyaad ee magaalada Muqdisho.
Wasiirka Gaashaandhigga C/qaadir Maxamed Jaamac ayaa sheegay inay ka xun yihiin qaraxa, isla markaana mas’uuliyadda ugu horeysa ay isaga ku dhaceysa oo xanuun badan ay u heysto, balse baaritaan uu socdo.
Sidoo kale Wasiir ku-xigeenka Wasaaradda Gaashaandhiga Cabdifataax Qaasim oo ka hadlay Golaha Shacabka ayaa xildhibaannada u sheegay in 14 Sarkaal loo xiray Qaraxii ka dhacay Xarunta Kuliyadda Jaalle Siyaad.
Wuxuu intaas ku daray in Saraakiisha la xiray ku jiro Taliyihii haystay Kuliyadda Jaalle Siyaad, sidoo kalena Baaris ku socoto saraakiishaasi oo sharcigana la hor geyn doono, cidii lagu helo ku lug lahaanshaha Qaraxaasi.
Wasiirku wuxuu inay kiiskan ay baarayaan Guddi ka kooban Haya’addaha Amniga sida Hay’adda Sirdoonka ee NISA, Booliiska iyo Wasaaradda Gaashaandhiga.
Qaraxa 24-ka July ka dhacay xarunta Kuliyadda Jaalle Siyaad ayaa dhaliyay qasaare dhimasho iyo dhaawac leh oo ku dhow 100 askari, markii nin Qarax isku soo xiray uu dhex galay Guutadda Ciidanka 14-ka October oo ka tirsan Ciidanka Xoogga Dalka Soomaaliyeed.
