Waxaa weli socota tirinta codadka Doorashada goleyaasha deegaanka iyo wakiillada Somaliland, iyadoo si weyn loo sugayo natiijada, kadib markii ay dib u dhacday natiijadii hordhaca ahayd ee la filayay in guddiga doorashadu u xalay shaaciyo.
Dadweynaha Somaliland ayaa si aad u sugaya natiijada doorashadan, iyadoo ay dhici karto in gobollada qaar sida gobolka Maroodi-jeer ay tirinta codadku qaadato maalmo kale oo dheeraad ah, maadaama uu yahay gobolka ay ka codeeyeen tirada ugu badan ee codbixiyeyaasha.
Guddiga Doorashada ayaa sheegay in roobab da’ay iyo arrimo farsamo dartood ay dib ugu dhaceen inay caasimadda Hargeysa soo gaareen Codadkii degaanada Bari ee laga codeeyay, waxaana maalmo qaadan doonta in natiijada kama dambeysta ah la ogaado.
Waxaa jira natiijooyin ay dadku si dhow u xiiseynayaa, gaar ahaan baraha bulshada, kuwaas oo ay ka midyihiin Barkhad Jaamac Batuun oo u tartamay golaha wakiillada ee xisbiga Waddani iyo Ridwan Cusman oo u tartamay Duqa magaalada Boorama.
Wadaniyaal caalami ah oo u kuur galaya doorashada Somaliland ayaa weli ku sugan goolaha lagu tirinayo codadka, kuwaas oo uu ka midyahay madaxweyhii hore ee waddanka Sierra Leone, Bal Koroma,
Waa Doorashadii ugu horeysay muddo 16 sano ah oo ka dhacda Somaliland, waxaana muddo kororsigii ugu dheeraa ku joogay Gole wakiilo oo la doortay 15 sano ka hor.
