Madaxweynaha Mareykanka Donald Trump ayaa sheegay in ciidamada Mareykanka ay qoryahooda cabbeysteen una diyaar yihiin inay ka jawaabaan weerarkii lagu qaaday mid ka mid ah goobaha ugu weyn shidaalka dalka Sacuudiga.
“Waxaa jirta sabab aan ku aaminno inaan naqaan cidda weerarka fulisay” ayuu madaxweyne Trump ku yiri qoraal uu barta twitter-ka soo dhigay, wuxuuna intaas ku datay inuu dowladda Sacuudiga ka sugayo inuu ka maqlo cidda ay rumeysan yihiin inay ka dambeysay weerarka iyo nooca tallaabada ay ku xijin doonaan.
Warka Madaxweyne Trump ayaay imid iyadoo xoghayahiisa arrimaha dibedda Mareykanka Mike Pompeouu ku eedeeyya dowladda Iiran inay ka dambeysay weerarradii diyaaradaha Drone-ka ee lagu qaaday warshadaha shidaalka ee Sacuudiga Magaalada Abqaiq ee Bariga Dakaasi.
Dowladda Iiran ayaa iska fogeysay eedeynta ku saabsan inay ka dambeysay weerarka lagu qaaday Sacuudiga, waxayna ku tilmaamay been abuur uu Mareykanku dhoo-dhoobay, lakiin waxay caddeysay inay taageersan tahay dadka Yeman ee Sacuudiga uu ku hayo xasuuqa muddo shan sano ah.
Duqeynta xarumaha shidaalka Sacuudiga oo ay sheegeen Xuuthiyiinta Yeman ayaa sababay inuu hoos u dhaco kala bar shidaalkii ay Sacuudiga u dhoofin jirtay dibadda oo gaaraya 5.7 Milyan oo Barmiil.
