Wararka ka imanaya magaalada Kampala ee dalka Uganda ayaa sheegaya in dowladda dalkaasi dib u eegis ku samaynayso xaaladda ciidamadeeda ka jooga Soomaaliya, isla markaana ay ka fiirsaneyso inay ciidamadeeda kala baxdo Soomaaliya.
Afhayeenka ciidamada dalka Uganda Col. Paddy Akunda ayaa ku shaaciyay bartiisa twitter-ka in dowladdu aysan weli qaadanin go’aan ay kula baxayso ciidankeeda balse ay samaynayso dib u eegis ku saabsan ka mid ahaanshaha AMISOM.
Hadalka Afhayeenka ayaa ka dambeeyey markii mid ka mida Warbaahinta waddankaasi oo soo xiganaysa saraakiil magacooda qariyey ay sheegeen in Taliska ciidamada Uganda ay doonayaan inay la baxaan ciidankooda jooga Soomaaliya.
Sannadkii 2012 ayaa dawladda Uganda waxay ku hanjabtay inay la baxayso ciidankeeda haddii guddi ka socday Qaramada Mdioobay ay ku eedeeyaan inay taageerto jabhadda M23 ee dalka Congo.
Arrintaas ayaa markii danbe iska dhammaatay markii Mareykanku soo dhex galay, waxayna haddana u muuqataa inay Uganda ujeedooyin siyaasadeed ka leedahay arrintan.
Wadani.com
