Kulamo is dabajoog ah oo maanta Garoonka magaalada Gaalkacyo ka dhacay ayaa wakiilada beesha caalamka ku dhageysteen talooyinka odayaasha labada dhinac ee magaalada.
Odayaasha labada dhinac ayaa koox waliba soo badhigtay aragtideeda iyo sida ay u aragto xalka colaadda ka taagan magaalda Gaalkacyo, waxayse arrintu isbedeshay kadib markii Odayaashii dhinaca Puntland ay la soo shir tageen in arrimo dhowr ah sida:
- In Magaalada Gaalkacyo ay gebi ahaanteeda iyagu leeyihiin.
- In Odayaasha loo daayo xalinta colaadda Kismaayo
- Inaan loo baahneyn shirka loo tegayo magaalada Kismaayo
- Eedeyn ay u jeediyeen Galmudug oo jebisay xabadjoojinta.
Odayaasha Gaalkacyo ee dhinaca Puntland ayaa goobta ku soo bandhigay Sawirro dagaaladii sokeeye oo uu ka dhex muuqdo Col. C/llaahi Yuusuf iyo Khariidad ay sheegeen inay muujineyso inay iyagu leeyihiin magaalada Gaalkacyo.
Dhinaca kale Odayaasha Galmudug ayaa iyaduna faahfaahin ka bixiyay xaalada Gaalkacyo iyo aragtidooda waxayna sheegeen in gardarrada Puntland ka wado Gaalkacyo ayay sabab u tahay dagaalka, iyadoo dalbaday in la joojiyo dhismaha maxjarka dagaalku ka dhashay, waxayna si cad ugu eedeeyeen Puntland inay diidan tahay fulinta heshiiska Gaalkacyo, horena ay u jebisay heshiisyadii hore.
Wakiilka gaarka ah ee xoghayaha guud ee Qaramada Midoobay Michael Keating iyo xubnihii la socday ee Beesha caalamka ayaa caawa ku hoyanaya magaalada Gaalkacyo, wuxuuna shirkaka sheegay in beesha calaamku aysan waxba qaban karin haddii aanay garab ka helin odayaasha dhaqanka iyo bulshada kala duwan si loo soo afjaro colaadda Gaalkacayo.
DAAWO SAWIRRO
