Wararka laga helayo shirkii magaalada Baydhaba uga socday Guddiga Farsamada ee dowladda Federaalka, Maamul Goboleedyada iyo Gobolka Banaadir ayaa sheegaya in horumar laga gaaray caqabadihii hortaagnaa qabashada Doorashada 2021.
Sida lagu shaaciyey Warka kasoo baxay Guddiga Farsamada waxaa xal laga gaaray arrimihii muranku ka taagnaa ee caqabadda ku noqday Dooraashooyinkii Dalka ka qabsoomi lahaa oo kala ahaa:
1- Cabasho laga muujiyay Gudiga Doorashada.
2- Xal u helida gudiga dooraashada Somaliland.
3- Xaalada Gobolka.
4- Adkeynta Qoonada Haweynka.
5-Jadwalka Qabsoomida Doorashada.
Gudiga Farsamada ayaa ku baaqay in 18-k Bishan Febraayo 2021 ay shir isugu yimaadaan Madaxda Dowlada Federaalka, Dowlad Gobeedyda iyo Gobolka Banaadir ay u saxiixaan heshiis kama danbeys ah oo lagu aado Doorasho.
Wararka ayaa sheegaya-SAXAAFADEED
War-SaxaafadeedBaydhabo, Febaraayo 16, 2021; Shirka Guddiga Farsamada Arrimaha Doorashada Federaalka ee ku qabsoomay magaalada Baydhabo ee caasimadda kumeelgaarka ah ee Koonfur Galbeed 10-16-kii Febaraayo 2021 waxa uu ku soo dhammaaday guul.
Guddiga oo ka duulaya mabaadi’da aasaasiga ah ee wadar ogol, isu tanaasul, is qancin iyo tixgalinta xaaladda dalka ayaa si qoto dheer uga dooday qodobbada caqabadda ku ahaa fulinta heshiiskii 17-kii Sebteembar 2020 iyo duruufaha ku xeeran qabsoomidda doorashooyinka Dawladda Federaalka Soomaaliya. Guddigu waxay si gaar ah diiradda u saareen dhiraan-dhirinta farsamada iyo xal u helidda qodobbadan:
1- Cabadashada laga muujiyey in qaar ka mid ah xubnaha Guddiga Doorashooyinka aysan waafaqsanayn habraacyada iyo shuruudaha xubinnimo ee Guddiga Doorashooyinka ee lagu qeexay heshiiskii 17-kii Sebteembar 2020, gaar ahaan in ay jiraan xubno ka tirsan Shaqaalaha Rayidka ah iyo Hay’adaha Amniga.
2- Xal u helidda Guddiga Doorashada kuraasta Somaliland
3- Xaaladda Gobolka Gedo oo la xalliyey.
4- Adkaynta Qoondada Haweenka
5- Jadwalka qabsoomidda doorashada
Guddigu waxay xal farsamo oo gundhig u noqon kara qabsoomidda doorashada ka gaareen dhammaan qodobadaas kor kuxusan, waxayna Madaxda Golaha Wadatashiga Qaran u gudbiyeen soo jeedinta guddiga si ay u meel mariyaan.
Sidoo kale, Guddiga Farsamada Arrimaha Doorashadu waxay ugu baaqeen Madaxda Golaha Wadatashiga Qaran in ay shir isgu yimaaddaan 18 Febaraayo, 2021.
Guddigu waxay u mahadcelinayaan Madaxwayanaha Dawladda iyo shacabka reer Koonfur Galbeed soo dhawaynta iyo martigalinta Guddiga Farsamada.
Guddigu waxay sidoo kale u mahadcelinayaan Beesha Caalamka oo dadaalka joogtada ah ugu jirta sidii dalka ay uga dhici lahayd doorasho loo dhanyahay.
