Aadan Yabaal (Wadani Online) – Waxaa la adreemayaa dhaq-dhaqaaqyo militari oo ay wadaan Ciidanka Xoogga Dalka Soomaaliyeed iyo maleeshiyada dadka degaanka ee ku sugan duleedka degmada Aadan Yabaal, gobolka Shabeellada Dhexe.
Baabulka socda ayaa la doonaya in degmada looga saarayo, iyo weliba deegaannada ay weli gacanta ku hayaan. Mas’uuliyiin sare oo ka tirsan dowladda Soomaaliya ayaa tegay aagga Aadan Yabaal si ay u dhiirri geliyaan ciidanka ku sugan halkaas.
Agaasimaha Hay’adda Nabad Sugidda iyo Sirdoonka Qaranka (NISA) iyo Taliyaha Ciidanka Dhulka ee Xoogga Dalka ayaa gaaray furimaha hore, halkaas oo ay kala hadleen saraakiisha iyo ciidamada xaaladda dagaalka.
Taliyaha Ciidanka Dhulka, Jeneraal Sahal Cabdiqaadir Cumar, ayaa sheegay in uu ku bogaadiyey ciidamada Qaranka iyo kuwa deegaanka halganka naf-hurnimada leh ee ay ugu jiraan difaaca dalka. Wuxuu xusay in ay la dhacsan yihiin dadaalka ay wadaan si loo xaqiijiyo amniga loona ciribtiro cadowga.
Dadka deegaanka oo garab siinaya ciidamada dowladda ayaa door muuqda ka qaadanaya howl-galka, iyagoo muujinaya diyaar garow iyo wadashaqeyn. Tani waxay xoojineysaa isku duubnida shacabka iyo ciidamada, taasoo muhiim u ah guusha howl-gallada socda.
