Afhayaanka xukuumnadda Soomaaliya Maxamed Ibraahim Macalimuu ayaa ku dhaawacmay Qarax uu fuliyey qof Is-miidaamiye oo ku beegsaday Gaari uu la socday xilli uu marayey Wadadda Maka A-lmukarama.
Taliska Booliska Soomaaliya ayaa xaqiijiyey in Qof is miidaamiye ahaa uu is ku qarxiyey Gaariga uu watay afhayeenka Xukuumadda Maxamed Ibraahim Macalimuu.
Warar kala duwan ayaa kasoo baxaya qasaaraha qaraxa ka dhashay iyo xaaladda Afhayeenka xukuumadda Maxamed Ibraahim Macalimuu oo la sheegay inuu dhaawac soo gaaray.
Afhayeenka ayaa loola cararray Isbitaal si xaaladiisa loola tacaalo, waxaana wararku sheegayaan inuu qaraxa qabsaday xilli uu doonayey inuu kasoo dego Gaariga, waxaana soo gaaray dhaawac, balse xaaladiisa ay degan tahay.
Macalimuu oo la geeyay Isbitaalka Digfeer oo xaaladiisa lagula tacaalayo, waxaana lasoo weriyey inay xaaladiisu fiican tahay.
“Afhayeenka Xukuumadda Federaalka Mudane Mohamed Ibrahim Moalimuu waxaa dhaawac ka soo gaaray weerar argagixisadu la beegsadeen gaarigii uu saarnaa. Xaaladda dhaawaciisu halis ma aha, waxaanna u rajeyneynaa caafimaad deg deg ah” ayaa lagu yiri war kasoo baxay xafiiska Ra’iisal wasaaraha
Halkan ka akhriso Warar la xiriira
— Sidee loo qorsheeyay Weerarkii lagu beegsaday Afhayeen Maxamed Ibraahim Macalimuu
— Wararkii ugu danbeeyay ee xaaladda dhaawaca Afhayeenka Xukuumadda
