Wararkii ugu danbeeyay ee magaalada Gaalkacyo ayaa sheegay inay ciidamada Galmudug iyo kuwa dowladda Soomaliya ay soo afjareen weerarkii saaka lagu qaaday xarunta wadaad muran badan ka taagnaa oo Alshabaab ay weerar iyo qaraxyo ku qaadeen.
Weerarka iyo qaraxyada ka dhacay xarunta Xerta Wadaadka Cabdiweli Climi Afyare oo ku taalla Koonfurta Magaalada Gaalkacyo ayaa waxaa ka dhashay qasaare kala duwan, waxaana dagaal toos ah dhex maray ciidamadii Galmudug, kuwa dowladda iyo kuwii Alshabaab ee weerarka ku galay xaruntaasi.
Ciidamada gaarka ah ee Danab oo ku sugan Gaalkacyo ayaa ka qeyb qaatay dagaalka lala galay kooxda Alshabaab, iyadoo gacanta lagu soo dhigay mid ka mida raggii galay xarunta Weerarka ka dib oo dhaawac ah. Raga weerarka soo qaaday ayaa la sheegay inay gaarayeen 4 ruux, islamarkaana saddex ka mid ah is qarxiyeen.
Waxaa weerarka ku dhintay in ka badan 20 ruux oo uu ku jiro Sheekh Cabdiweli Cilmi Yare, iyadoo ay dilkiisa xaqiijiyeen ciidamada Galmudug.
Wadaadan ayaa sababta loo weerarray lagu sheegay inuu af lagaadeeyay Nebi Maxamed NNKH horey ayay Al-Shabaab digniin ugu dirtay, Wuxuuna sheekhani ku dhex jiray howlo si weyn loo cambaareeyay oo ku saabsan diinta islaamka.
Sheekhan ayaa mar Nebi ku sheegay nin kale oo Sheekhiisa uu ku tilmaamay isagoo muuqaalo soo duubay, arrintaas oo dood weyn ka dhalisay, markiiba dambena maxkamad gaartay.
Qof gaari ay ku raran yihiin waxyaabo qarxa ka watay goobta qaraxu ka dhacay ayaa la sheegay inuu kula qarxay meel ka baxsan xaruta, iyadoo uu qofkaasi ku dhintay.
