Sii-hayaha Wasiirka Maaliyadda Xukuumadda Soomaaliya Cabdiraxmaan Ducaale Beyle ayaa diiday bixinta lacag uu Ra’iisal wasaarihii is casilay ee Xasan Cali Kheyre u qoondeeyay fatahaadda degmada Afgooye, kuna amray Wasaaradda inay bixiso.
Wasiir Beyle ayaa sheegay in lacagta oo gaareysa 500,000 Dollar aanu bixin doonin inta laga helayo hannaan cad oo looga hortagi karo in lacagtaasi la musuq maasuqo, waxaana arrintaasi canbaareeyay xildhibaanno kasoo jeeda degmada Afgooye.
Lacagtan ayaa aad loogu, wuxuuna Ra’iisal wasaarihii hore Wasiirka Maaliyadda ku amray inuu si deg deg ah ku bixiyo si wax looga qabto xaalada adag ee ka taagneyd, degmada Afgooye; laakiin waxaa muuqata in Wasiir Beyle aanu bixin xilligii aadka loogu baahnaa.
Sii-hayaha Wasiirka Maaliyadda ayaa ku doodaya in la helo guddiyo ka shaqeeya arimaha gar gaarka degmada Afgooye iyo maamulka Koonfur Galbeed oo lagu aamini karo lacagtaasi.
Lacagaha dowladda Federaalka u qoondeyso maalaha ay dhibaatooyinka ka dhacaan ayaan la bixin ama muddo dheer qaadata si loo bixiyo.
