Wasiirka Dastuurka maamulka K/Galbeed ee Soomaaliya C/llaahi Sheekh Xasan ayaa sheetgay inuu isagu leeyahay magaca uu qaatay xisbiga maanta guddoomiyaha loogu doortay madaxweynihii hore Xasan Sheekh Maxamuud.
Qoraal uu soo saarya wasiirka oo lahjad aad u qalafsan lagu qoray oo loo diray Xasan Sheekh iyo Guddiga Doorashooyinka madaxda bannaan ayaa lagu sheegay in magaca ay qaateen kooxda uu hoggaamiyo Xasan Sheekh uu yahay magac xisbi jira oo uu hoggaamiyo C/llaahi Sheekh Xasan.
“Mudane adigoo mahadsan Xisbiga aad Magaciisa la baxday waa xisbi aad taqaano waana xisbigi aniga oo gudoomiya ka ah aad Madaxweyne wadanka ka aheyd, waana Xisbigii Dowladaadii dhaliilaheeda Bulshada usoo bandhigi jiray. Ilaa aad marki aad runtii u adkeysan weyday aad amartay in ley dilo 15 August 2015 4:00 habeennimo… ” ayuu qoraalkiisa ku yiri C/llaahi Sheekh Xasan.
Xisbiga maanta lagu dhawaaqay ee uu hoggaaminayo Xasan Sheekh ayaa lagu magacaabaa Midowga Nabadda iyo Dimoqraadiyadda (Union For Peace and Democratic- UPD) halka Xisbiga uu sheegtay C/llaahi Sheekh Xasan lagu magacaabo Midowga Nabadda iyo Dimoqraadiyadda Soomaaliyeed (Somali Peace and Democratic Union- SYPDU).
Xildhibaanno ka tirsan Xisbiga uu hoggaamiyo Xasan Sheekh ayaa ku dooday in labada magac aysan wax shaqo ah isku lahayn, iskuna xarfo ahayn, balse C/llaahi Sheekh Ismaaciil uu yahay muran doon.
Murannada noocan oo kale ayaa xalintooda waxaa qaabilsan Guddiga Doorashada oo diiwaangeliya xisbiyada, iyadoo labada dhinac aysan u muuqan inay diiwaaan geliyeen magacyadooda.
