Wafdigii wasiirka arrimaha gudaha ee xukuumadda Soomaaliya C/raxmaan Maxamed Xuseen (Odowaa) oo muddo toddobaad ah ku sugnaa Magaalada Beledweyne ayaa ugu danbeyn maanta la kulmay Odayaasha dhaqanka beelaha gobolka Hiiraan oo aan ahayn kuwii hore u qaadacay inay wax kulan ah la yeeshaan wasiirka.
Wasiir Odawaa iyo Odayaasha Hiiraan
Wasirka Arimaha Gudaha iyo Fededaalka C/raxmaan Odowaa iyo Wasiirka Barroolka Maxamed Muqtaar ayaa si wada jir kulan ula qaatay waxgarad iyo odayaal ka tirsan Odayaasha Hiiraan oo ay ka wadahadleen xalin muranka ka taagan maamul u sameynta Goboladda Hiiraan iyo Shabeelaha Dhexe.
Odayaasha la kulmay wasiirada ayaa la sheegay inay ahaayeen odayaal uu soo diyaariyay Guddoomiyaha Gobolka Hiiraan Yuusuf Dabageed oo aysan ku jirin Duubabka dhaqanka Hiiraan ee qaadacaday la kulanka Wasiirka, waxaana lagu wadaa in scodaalkiisa uu soo gabagabeeyo maalmaha soo socda.
Natiijada socdaalka Wasiir Odowaa ee Beledweyne
Socdaalka Wasiirka Arrimaha Gudaha iyo wasiirka Batrookla ku tageen Beledweyne ayaa lagu sheegay inuu ahaa kii ugu natiijo xumaa, kadib markii uu hareeyay go’aan ku saabsan inaan lala kulmin wasiirada oo ay qaateen Duubabka dhaqanka Beelaha Hiiraan oo laf ahaantooda ku qeybsamay fekerkooda ku saabsan shirka Jowhar ee maamul u sameynta Gobolada Hiiraan iyo Shabeelaha Dhexe.
Odayaasha Hiiraan waxay sugayaan Madaxweynaha
Qaar ka mida odayaasha dhaqanka Hiiraan ayaa ku dooday in ballan hore ay la lahaayeen madaxweynaha Soomaaliya Xasan Sheekh Maxamuud, isagana ay doonayaan inay kala hadlaan dowladda Federaalka oo aanay jirin cid kale oo ay arrintooda kala hadlayaan iyagoo hore u diiday inuu Magaalada Beledweyne yimaado Ra’iisal wasaare Cumar C/rashiid.
Wadani.com
