Wasiirka Arrimaha Gudaha iyo Federaalka mudane C/raxmaan Maxamed Xuseen Odowaa oo ku adkeystay magacaabidda Guddiga Farsamada ee maamul u sameynta Gobollada Hiiraan iyo Shabeelaha Dhexe, isagoo sheegay in muddo laba bilood ah ay ku qaadatay in la dhiso guddiga.
Isagoo ka hadlayay shir jaraa’id oo uu Muqdisho ku qabtay ayuu Wasiir Odowaa caddeeyay in beeluhu u qaateen in Guddiga Farsamada uu yahay Baarlamaankii, markii tirada la kordhiyay guddiga ay sii badatay cabashadii sidaas darteedna ay go’aansadeen in beel waliba xubin laga siiyo beelaha labada gobol.
Wasiirka ayaa si cad u sheegay inay go’aansadeen in hore loo socdo oo wixii awood qeybsi ah loo dhigo shirka kadib. Dad kala duwan ayaa ka hor yimid guddiga farsamada ee loo magacaabay maamul u sameynta Gobollada Hiiraan iyo Shabeelaha Dhexe..
DHAGEYSO CODKA WASIIR ODOWAA
Wadani.com
