Waxaa magaalada Muqdisho ka socda qabanqaabada Shirar ay dalalka Midowga Afrika ee Ciidamada ka joogaan Soomaaliya (ATMIS) yeelanayaan, waxaana maanta dalka soo gaaray wafdigii ugu horeeyay.
Wasiirka Difaaca dalka Jabuuti Xasan Cumar Maxamed ayaa maanta kasoo degay Garoonka diyaaradaha ee Aadan Cadde, iyadoo uu soo soo dhaweeyey dhiggiisa Soomaaliya Cabdulqaadir Maxamed Nuur.
Wasiirada Gaashaandhigga dalalka ATMIS ayaa Muqdisho uga qeybgeli doona shir ay isugu imaanayaan madaxda wadamada ay Soomaaliya ka joogaan ciidamada nabad ilaalinta ah ee Howlgalka Midowga Afrika ee ATMIS.
Wasiirada difaaca iyo Madaxda dalalka Muqdisho kusoo wajahan ayaa waxaa kamida Jabuuti, Kenya, Itoobiya, Uganda iyo Burundi, waxaana shirka looga hadlayaa dagaalka Alshabaab iyo qorshaha ay ciidmadaa SOomalaiya kula wareehayaan Amniga dalkooda sanadka 2024.
Hay’adda Duulista ayaa joojisay diyaaradaha dalka imaanaya ama ka baxaya, maalmaha Talaadada iyo Arbacada oo la filayo inay dalka yimaadaan madaxda dalalka ATMIS.
Shirka ayaa kusoo beegnaya xilii ay dowladda Federaalka ku jirto dagaalka ku wajahan Ashabaab oo degaano badan sida Hirshabeelle iyo Galmudug looga xoreeyay.
