Wasiirka Boostada iyo Isgaarsiinta Xukuumadda xukuumadda Soomaaliya ayaa shirkadaha bixiya adeegga internerka ka dalbaday inay keenaan xarig labaa oo fibre optic ah.
Wasiirka Eng. Cabdi Cashur Xasan oo Maanta markii dib u soo laabtay internetka la hadlay Warbaahinta ayaa dhinaca kale ugu baaqay Xildhibaanada Baarlamaanka Soomaaliya in ay ansixiyaan Xeerka Isagarsiinta dalka ee horyaalla si xal loogu helo dhacdooyinkan oo kale.
Wuxuu shirkadda Dalkom ee maalgelisay khadka Internet-ka inay la timaado khad kale oo barbar socda midka kaliya ee hadda yaalla Koonfurta Soomaaliya, wuxuuna shirkadaha kale ku casuumay inay maalgashadaan khadadla fibre optic.
Wasiirka ayaa sheegay in shirkadaha bixiya adeegyada isgaarsiinta magdhow laga qaadi lahaa haddii ay dhacdo dhibaatadii internet la’aanta oo kale, haddii uu jiri lahaa sharciga isgaarsiinta oo hadda horyaalla Baarlamaanka.
