Wararka ka imaanaya Dalka ingiriiska ayaa sheegaya in labo wiil oo Soomaali midna la dilay, kan kalena la dhaawacay, kadib markii ay weerar ku soo qaadeen koox Mindiyo wadatay.
Falka weerarka ah ee dilka iyo dhaawaca ayaa ka dhacay Xaafadda Borough of Camden ee Magaalada London, waxaana la sheegay in kooxda weerarka ku qaaday Soomaalidaay wateen Gawaari dhowr ah oo ay goobta ka baxsadeen markii ay falkaasi geysteen.
Booliiska UK ayaa gaaray goobta, waxayna bilaabeen baaritaanka kiiskan oo ka mida falal soo noqnoqday oo lagu ugaarsado Soomaalida, Ehelka wiilka Dhalinyarada ah ee geeriyooday ayaa sheegay in Wiilashooda uu dhiig bax u dhintay, kadib markii Mindiya looga dhuftay Caloosha.
Koronto Aadan oo Deris iyo Eedo u ah wiilka la dilay ayaa sheegtay in Wiilka Hooyadii ay wacday, una sheegtay in afaafka hore ee Gurigooda uu ka dhacay dil, uuna ku jiro tuhun ah in Wiilkeeda la dilay.
Booliiska ayaa sheegay in ay gacan adag ku qaban doonaan, shaqsiyaadka dilalka Geysta, waxayna tibaaxeen in Cadaaladda ay marsiin doonaan kolka ay qabtaan dadkaasi.
