Weriyaha Laanta af Soomaaliga ee BBC ee fadhigiisu ahaa magaalada Nairobi Cabdirisaaq Xaaji Catoosh ayaa ruqsad muddo sannad ah qaatay howshii weriyenmo ee BBC-da laanta Afka Soomaaliga.
Sida ay shaacisay BBC-da wuxuu Fasaxa sannadka ah ee Weriye Catoosh ka billaabanayaa 1-da Oktoobar 2018-ka, wuxuuna ku dhammaanayaa egyahay 30-ka bisha Sebtembar ee sannadka 2019-ka, iyadoo aan wax faafhaahin ah laga bixin ujeedka arrintan.
Arrintan ayaa u muuqata fasax dheer oo uu qaatay Weriye Catoosh oo uu la ogyahay madaxa BBC-da ee xilligan, laakiin waxaay BBC-da ku sheegay ruqsad ee uu qaatay Catoosh, taasoo aan is qaban karin.
Madaxa laanta Af Soomaliga ee BBC, Cabdullaahi Cabdi Sheekh, ayaa sheegay inuu kheyr u rajaynayo muddada uu Catoosh ka maqan yahay laanta, isla markaana uu ku rajo weyn yahay inuu soo noqon doono sannad ka dib.
Wuxuu sheegay madaxa BBC-da ee Afsoomaaliga in dhageystayaasha ay la socodsiin doonaan haddii uu isbeddel ku yimaaddo xilliga uu Catoosh soo noqonayo, arrintan oo muujineysa inay tahay fasax ujeedo leh.
Cabdirisaaq Xaaji Catoosh ayaa ka mida weryiyeyaasha ka howlgala xafiiska BBC-da ee magaalada Nairobi oo shaqada ugu badan ee Laanta Afsoomaaliga ay ka socota iyadoo dalka Kenya laga qaato weriyeyaasha ugu badan ee Laantaasi ka shaqeeya mudadii ugu danbeysay, taasoo hoosu dhigtay tayadii iyo Afsoomaaligii Laanta Afsoomalida ee BBC-da looga bartay.
Werioye Catoosh ayaa ka sokow inuu ahaa weriyaha ugu codka dheer ee aan miisaamin war- tebinta ee xilligan ka hadla BBC-da, wuxuu dhinaca kale ahaa ninka ugu horeeya baraha bulshada isagoo Facebook ku leh taageerayaal badan.
Wararka qaar ayaa sheegay in weriyaha uu qandaraas ka helay hay’ad caalami ah oo uu shaqooyin u qaban doono mudadda fasaxa dheer ee uu ka qaatay BBC-da.
