Wariye Maxamed Aweys Muudey (Boqorka Bartamaha) oo sanado ku xirnaa xabsi kuyaala Dalka Itoobiya. balse xoriyadiisa dib u helay maanta laga sugayaa magaalada Muqdisho.
Soo dhoweynta weriyaha waxaa garoonka Adan Cadde u tegay weriyeyaal fara badan oo ku fasraxsan sii deyntiisa, wuxuuna soo gaaray magaalaa Nairobi ee dalka Kenya iyadoo saacadaha soo socda laga filayo inuu yimaado caasimadda Muqdisho.
Waxaa kaloo Garoonka diyaaradaha Muqdisho ku sugan mas’uuliyiin katirsan Dowladda Soomaaliya iyo Gobolka Banaadir. Wuxu ka mid ahaa dadkii ku xirnaa Itoobiya, balse kiiskiisa oo ahaa mid la xiriira argagixiso ayaa keenay inay dib u dhacdo sii deyntiis oo markii danbe codsi rasmi ah ay madaxda dowladda Federaalka u direen madaxda Itoobiya.
Isagoo la hadlay saxafiyiin kala duwan ayuu Maxamed Aweyd Muudey sheegay inuu ku faraxsanyahay in uu xoriyadiisa dib u helo, wuxuuna u mahad celiyay madaxda dowladda Soomaaliya oo dadaal ku bixiyey sidii loo sii deyn lahaa.
