Xeer ilaaliyaha guud ee Qaranka Dr. Axmed Cali Daahir ayaa ku biiray mas’uuliyadda difaacaya in dacwadii xuduudka Badda ee Kenya iyo Soomaaliya ay wadahadal ka galeyso. Waxaana uu ku adkeystay inuusan jirin gorgortan laga galayo oo aysan jirin cid ka heshiisay iyo cid ka noqoneysa isagoo wareysi siiyay Idaacadda Ciidamada ee magaalada Muqdisho.
Xeer ilaaliyaha ayaa sheegay inuu isagu tegi doono magaalada Hague ee dalka Holland xarunta maxkamadda caalamiga ah oo dacwadii Soomaaliya iyo caddeymaheeda uu geyn doono, “Dacwadii waxay mareysaa meeshii loogu talogalay, shirkadihii baaritaanka ka waday xuduudka Baddana ay ka baxeen intooda badan oo ay ugu danbeysay shirkadda Total, waxa kaliya oo ku haray waa shirkadda Talyaaniga ah ee ENI, iyaduna digniin ayaan u diraynaa” ayuu yiri xeer ilaaliyaha.
Hoos ka dhageyso
Wuxuu iska fogeeyay warkii kasoo yeeray wasiirka arrimaha dibadda Kenya oo uu sheegay inay tahay mid diblomaasi ah oo kaliya isagu uu ogyahay in sharciyan aysan jirin wax wadahadal ah oo dacwadiina ay weli socota.
Akhri: QARSOODI: Dowladda Soomaaliya oo qaab farsamo ah ula soo noqoneysa dacwadii Badda
       XOG CULUS: Dowladda Soomaaliya oo dib ula soo noqonaysa dacwadii Badda ee Somalia & Kenya
Goobjooge.com
[ad name=”HTML-1″]
[ad name=”HTML-6″]
