Xildhibaan Axmed Macalin Fiqi oo ka mida xildhibaannada Baarlamaanka ee kasoo jeeda Galmudug iyo xisbiga UPD ee uu hoggaamiyo madaxweynihii hore ee Xasan Sheekh ayaa si weyn u dhaliilay madaxda dowladda Somalia, isagoo bogaadiyey wasiir ku xigeenkii xilka iska casilay ee C/kariin Dhalac.
Xidhibaan Fiqi ayaa sheegay inuu bogaadinayo go’aanka geesinnimada leh ee uu qaatay Wasiir iyo Xildhibaan Abdikarim Khalif Dhalac oo iska casilay xilkii Wasiir ku-xigeenka xukuumadda Federaalka, kaasoo uu ku tilmaamay go’aan taariikhda galay oo maangal ah.
“Madaxda Villa Somali lama shaqayn karo qof raba in karaamadiisa iyo mas’uuliyadda saaran Iin uu si wanaagsan u guto, waxaan rajaynayaa In tallaabada Mudane Abdikarim ay bilow u noqon doonto iscasilaado kale. Faragalinta Galmudug ka socota iyo la kaliyoobidda geedisocodka doorashooyinka Galmudug, waxay kashifi doontaa damaca waalan ee kooxda Villa Somalia ee dastuurka dalka iyo shuruucda Galmudugba hareer-marsan..” ayuu yiri Xildhibaan Fiqi oo ay is xigaan wasiir ku xigeenka is casilay.
