Xildhibaan Daahir Amiin Jeesow oo ka mida xildhibaannada Baarlamaanka Federaalka Soomaaliya ayaa ku eedeeyay inuu ka danbeeyay Askari ka tirsan ciidamada maamulka Jubbaland ee uu hoggaamiyo madaxweynaha xilkiisu sii dhammaanayo ee maamulka Jubbaland Axmed Maxamed Islaam (Madoobe) inuu ka danbeeyay dilka Suldaan xalay lagu toogtay magaalada Kismaayo.
Xildhibaan Jeesow ayaa sheegay in suldaanka uu dilay askari ka tirsan ciidamada maamulka Jubbaland oo Qori AK 47 ah u adeegsatay dilkiisa, dadka qaarna waxay sheegeen inay garanayaan askariga dilka suldaanka geystay, wuxuuna dalbaday in baaritaan lagu sameeyo falkaasi foosha xun ee lagu dilay suldaanka oo markaasi salaadii maqrib kasoo baxay.
“Tuhun waxaan qabnaa in ninkii dilay Suldaanka uu ku qadeynaayo magaalada Kismaayo dhexdeeda, waa nasiibdarro, wax aan lagu badbaadi karin, kana soo horjeeda xuquuqda insaanka… Axmed Madoobe ayaa dilay Suldaanka..” ayuu yiri Xildhibaan Jeesow.
Isagoo ka hadlayey xiriirka maamulka Jubbaland iyo Suldaanka la dilay ayuu sheegay in markii ugu horeysay ee uu Kismaayo tegay Suldaanka ay soo masaafuriyeen maamulka Axmed Madoob, isagoo muddo saddex sano ahna ka maqnaa reerkiisa, xilligaas oo uu Muqdisho ku sugnaa markii si qasab ah looga soo saaray magaalada Kismaayo.
“Axmed Madoobe meel fagaaro ah ayuu khudbad uga jeediyey ayuu ka yiri; wax aan la dagaashanahay odayaasha dhaqanka waxaa ka jira Rashiid Dhurre… waxay ahayd meel markhaati leh oo dad badan wada joogeen..” ayuu yiri Xildhibaan Jeesow.
HOOS KA DAAWO
