Dabley hubeysan ayaa maanta dil toogasho ah Muqdisho ugu geysatay Xildhibaan ka tirsan Baarlamaanka maamul goboleedka Puntland oo lagu magacaabo 
Aadan Xaaji Xuseen. Mudanaha dilka qorsheysan lagu fuliyay ayaa la sheegay inuu maalmahan ku suganaa magaalada Muqdisho oo arrimo u gaara oo caafimaad u yimid.
Koox hubeysan oo wadatay gaari ayaa rasaas ku furay xildhibaanka Baarlamaanka Puntland, xilli uu marayay agagaarka Xaafada Taleex ee degmada Hodan, magaalada Muqdisho. Dableyda aya la sheegay inay baxsadeen kadib markii ay falka dilka ah geysteen.
Dilalka mas’uuliyiinta dowladda iyo shaqsiyaadka caadiga ah ayaa Muqdisho ka dhaca, laakiin waxaa markii ugu horeysay ee ee Muqdisho fal dil ah loogu geysto xildhibaan ka tirsan maamul goboleedka Puntland.
Hay’adaha ammaanka dowladda Federaalka ee magaalada Muqdisho ayaan weli wax hadal ah kasoo saarin dilka.
[ad name=”HTML”]
[ad name=”HTML-6″]
[ad name=”HTML-1″]
