Shir gaara oo xarunta Baarlamaanka ku dhex maray Madaxweynaha Soomaaliya Xasan Sheekh iyo xildhibaanada Beesha Digil & Mirifle ayaa lagu kala tegay kadib markii uu fashil ku dhammaaday.
Madaxweynaha oo u yeertay xildhibaanada beeshan ayaa doonayay inuu ku qanciyo codsi uu watay oo ahaa inay aqbalaan heshiiska doorashada 2016 oo ay si weyn u diidan yihiin.
Xildhibaanada Digil & Mirifle ayaa ku adkeystay in Aqalka sare lagu qeybiyo 18 gobo oo isla eg (Min 3 xubnood) sida ku qoran Dastuurka KMG ah, waxayna si cad uga hor yimaadeen inay ogolaadaan sed bursiga la siiyay maamulada Puntland iyo Somaliland.
“Ma ogolin in hal beel la siiyo 9 xubnood, Qomwiyadda Digil & Miriflena ay hesho 8 xubnood, xaqdarrada intaas la eg ma ogolaaneyno…” ayaa yiri mid ka mida xildhibaanada Digil iyo Mirifle oo xogtan siiyay Wadani.com.
Shirka madaxweynaha iyo xildhibaanada ayaa ku dhammaaday fashil, waxaana madaxweynaha uu ka tegay xarunta Baarlamaanka isagoo aan wax natiijo ah gaarin.
Wadani.com
