Tirada xildhibaannada Labada Aqal ee Baarlamaanka Federaalka oo qaatay Shahaadada Xildhibaannimo iyo Aqoonsiga ayaa gaaray 200, iyadoo ay welli socoto bixinta shahaadooyinka.
Guddiga doorashada heer Federaal shaaciyey in 200 xildhbaan ay soo xireen liiskooda. “Waxaan xirnay 200 oo Xildhibaan, isku darka labada Aqal ee Baarlamaanka Jamhuuriyadda Federaalka Soomaaliya. Shahaado bixintu dardar bay ku socotaa, dhaarintuna waa dhawdahay”
Waxaa maanta qaatay xildhibaanno hor leh oo ay ka mid yihiin C/raxmaan C/shakuur Warsme iyo C/samad Macalin Maxamed oo laga soo doortay Galmudug. Waxaa kaloo qaatay Khadiija Makhzoumi oo ahyad safiiska Somaliya ee Pakistan iyo xildhibaanno kale.
Dhinaca kale waxaa mugdi hareeyay xafladda dhaarinta xildhibaannada ee la filayo inay dhacdo 14-ka bishan April 2022, iyadoo weli aan xal loo helin maqnaanshaha inta badan xildhibaannada laga soo doorto K/Galbeed.
Beesha Caalamka ayaa dadaal ugu jirta inay dhacdo xafladda dhaarinta, isla markaana xal degdega loo helo xidhibaan ee doorashadooda lagu noqonayo, markii Guddiga Doorashada FEIT uu sheegay in kuraastaasi si sharci darro ah loo qabtay doorashadooda.
Khilaafka ka dhashay Eryidii Ra’iisal wasaaraha Maxamed Xuseen Rooble ee Wakiilka Midowga Afrika Francisco Madeira iyo Arrinta xildhibaannada K/Galbeed waxaa barbar socda halis laga digay oo ku saabsan qorsheyaal ay Farmaajo iyo kooxdiisa ku doonayaan inay ku fashiliyaan xafladda Dhaarinta Xildhibaannada cusub.
