Guddoomiyaha Baarlamaanka Galmudug Dr. Maxamed Nuur Gacal ayaa soo saaray qoraal uu gunnadii ay qaadan jirana iyo fadhiyada Baarlamaanka uga joojiyey 6 xildhibaan oo ka tirsan Baarlamaanka Galmudug.
Xildhibaannadan ayaa laga joojiyey kaqaybgalka 4 fadhi oo kamid ah kulamada kal-fadhiga 5aad ee Baarlamaanka, sidaas oo kale waxa uu ka joojiyey Gunnadii laga joojiyey muddo 2 bil ah.
Qoraal ka soo baxay guddoomiyaha Baarlamaanka DG Galmudug: Dr. Maxamed Nuur Gacal ayaa lagu xusay in sababtu tahay xadgudub lagu eedeeyey xildhibaanadu ku sameeyeen Dastuurka iyo xeer-hoosaadka Baarlamaanka Galmudug.
Wararka la helay ayaa sheegaya imn xildhibaannadan ay mucaarad ku yihiin siyaasadda Madaxweynaha Galmudug Axmed Cabdi Kaariye Qoorqqoor.
HOOS KA AKHRISO QORAALKA
Ujeedo: Ka joojin Fadhiyada iyo Gunnada BDGGM
Guddoomiyaha BDGGM Isaga oo xiganaya warqada ku taariikheysan 29 Diseember 2021 ayna soo gudbiyeen Guddiga Xeer-Hoosaadka BDGGM iyo Habdhawrka BDGGM, Ujeed-keeduna ahaa Soo gudbin Xildhibaanno ku Xad-gudbay Dastuurka iyo Xeer-Hoosaadka BDGGM, Markii uu arkay; Qodobada: 6aad Farqadiisa 1aad, 26 Farqadiisa laad, 30aad, farqadiisa Saad, 33aad Farqadiisa laad Karafkiisa A, 39aad farqadiisa laad, iyo 43 aad, xarafkiisa Cee Dastuurka DGGM.
Qodobada: 7 aad, xarafkiisa C, 28aad Farqadihiisa laad iyo 2aad Xarfihiisa a,c,d,e,f,g,n,i,m,n iyo Farqadiisa 3aad Xarfaheeda c,d,e iyo Qodobka 34aad Farqadiisa laad Xarafaha b,c,d,e,fg iyo farqadiisa 2aad ee Xeer-Hoosaadka Golaha.
Markii uu arkay falalka lidka ku ah habsami u socodka Fadhiyada Baarlamaanka ee hor-istaaga ajandaha Fadhiyada, sumcad-dilka Magaca Baarlamaanka, fidinta warar been-abuurka ah. Markii uu arkay ka gaabiska waajibka xilkii ay u dhaarteen Xildhibaanada lasoo eedeeyay.
Waxa uu soo saaray Go’aankaan;
1. In Xubnaha Magacayadoodu hoos ku xusan yihiin laga joojiyey ilaa 4 fadhi oo kamida
kulamada Golaha ee kalfadhiga Saad ee 2022
2. In laga joojiyey gunnadii Xildhibaanada muddo dhan laba bil
3. In Cudur-daar Qoraal iyo Oraah ah ay u soo gudbiyaan Golaha, inta lagu guda jiro Kalfadhiga Saad ee Sanadka 2022.
Kadibna u hoggaansamaan Shuruucda iyo Nidaamka Baarlamaanka.
Magacyada Xildhibaanada oo uu ugu horeeyo guddoomiye ku xigeenka:
1. Xil Cabdullahi Xirsi Maxamed
2. Xil Cabduqadir Cabdullahi Bariise
3. Xil Axmed Cabdirisaq Cabdullahi
4. Xil Mursal Maxamed Yusuf
5. Xil Cabdinasir Adan Cusman
6. Xil Dahir Cabdi Shiiqow
Dr. Maxamed Nur Gacal
Guddoomiyaha Baarlamaanka DGGM
