Doorashada dhexe ee dalka Mareykanka oo shalay looga dareemay dalkaasi ayaa dhalisay natiijo la filayey oo ahayd in xisbiga dimoqraadiga uu la wareegto aqbaliadda Koongareeska Mareykanka, halka Aqalka sare ee Senet-ka ay sii xoogeysteen aqlabiyadiisa xibsiga Jamhuuriga.
Doorashada xilliga dhexe ee Mareykanka ayaa loo tartamaa dhammaan kuraasta Koongareeska Mareykanka oo gaaraya 435, waxaa kaloo loo tartamayaa 33 kursi oo ka mida Aqalka Senet-ka, iyadoo sidoo kale lasoo dooranayo 36 ka mida 50-ka guddoomiyeyaasha Gobollada Mareykanka.
Doorashada oo loo arkayey inay saadaal u tahay taageerada uu heyso Madaxweyne Trump ayaa waxay xisbiga Dimoqraadiya kuraastii kala wareegeen xisbiga Jamhuuriyiinta, iyagoo noqday aqlabiyadda Koongareeska Mareykanka.
Guddoomiyaha aqbaliyadda Xisbya Dimoqraadiga Nancy Pelosi ayaa khudbadii guusha ku sheegay in Mareykanka uu wa’ cusub u baryey, lagana gudbay dalkii uu halka xisbi iska watay.
Madaxweyne Trump oo hadda waayey aqlabiyadda xisbigiisa Jamhuuriga ku heysay ayaa dhinaciisa u dabaaldegay guusha ay kasoo hooyeen aqalka Senet-ka, wuxuuna ku dooday inuu guul weyn so hooyey.
Koongareeska ayaa muhiim u ah sharciyada iyo ansixinta miisaaniyadda, iyadoo hadda dhibaato ku noqon doonto inuu si dhib yar u mariyo sharciyada uu doonayo, waxaana laga yaabaa in dib loo dardar geliyo baritaankii ku socday kooxda Trump ee ku saabsanaa faragelintii Ruushka ee doorsahadii 2016.
Ilhan Cumar oo ku guuleysatay Doorashadii Kongareska Mareykanka [Haween muslim ah oo la doortay]
