Xisbiga Dimuqraaddiga ayaa ku dhawaaqay inay bilaabayaan Mooshin xilka looga qaadayo madaxweynaha Mareykanka Donald Trump.
Guddoomiyaha Aqlabiyadda Koongareenka Mareykanka ee xisbiga Dimoqraadiga Nancy Pelosi ayaa shaacisay in madaxweyne Trump lala xisaabtami doono, loona soo gole joojin doono ku takrifal awoodeed iyo jebinta sharciga dalkaasi, kadib markii ay soo baxday arrin fadeexad dhalisay oo ku saabsan inuu Trump cadaadis ku saaray Madaxweynaha Ukraine Volodymyr Zelensky in baaritaan lagu sameeyo siyaasi ay iska horjeedaan oo ah madaxweynihii ku xigeenkii hore ee dalkaasi Joe Biden, isagoo ka faaiideysanaya awoodiisa madaxweyne.,
Saxaafadda Mareykanka ayaa faafisay warbixino ku saabsan sida Sirdoonka Mareykanka uga hor yimaadeen xiriiro qarsoodi ah oo dhex maray Madaxweyne Trump hoggaamiye shisheeye oo ahaa madaxweynaha Ukraine, si ugu adeegsado inuu culeys ku saaro siyaasi tartan kula jira iyo qoyskiisa.
Trump ayaa qirtay xiriirka dhex maray madaxweynaha Ukraine iyo in lagu soo qaaday arrinta madaxweynihii hore ee Mareykanka iyo wiilkiisa, laakiin wuxuu beeniyey inuu sameeyay wax ka horjeeda sharciga, isagoo mooshinka laga diyaarinayo ku tilmaamay waqti lumis aan wax saameyn ah ku yeelan doonin.
Ms Pelosi waxay ku eedeysay in madaxweyne Mr Trump uu ku kacay “ku tagrifal sharci iyo mid awoodeed, iyadoo ku tilmaamtay ficilladiisa nin ku guuldarraystay waajibaadkiisii dastuuriga ahaa.
Mooshinka ayaa la saadaalinayaa inuu waqti dheer qaadan doono, isla markaana aanu keeni karin xil ka qaadista Trump. iyadoo labada aqal ee Koongareeska ay kala heystaan xisbiyda Dimoqraadiga iyo Jamhuuriyiinta.
