Xisbiga Barwaaqo ‘Prosperity’ ee uu hoggaamiyo Ra’isul Wasaaraha Itoobiya Abiy Ahmed ayaa ku guuleystay kursaasta ugu badan Baarlamanka Federaalka dalka Itoobiya.
Sida uu shaaciyay guddiga doorashooyinka Qaranka Itoobiya. Xisbiga uu sameeyay Ra’isal wasaare Abiy Ahmed ayaa ku guuleystay 410 kursi oo ka mid ah 436 lagu tartamay Baarlamaanka Federaalka Itoobiya, taasoo ka dhigan in ka badan 94%.
Abiy Ahmed ayaa sheegay inuu ku faraxsan yahay guusha xisbigiisa ka gaaray doorashda Itoobiya oo aan ka dhicin maamullada Tigray iyo Soomaalida.
Xukuumad cusub ayaa waxaa la filayaa in la dhiso bisha Oktoobar. Xisbiyada mucaaradka ayaa cabasho ka keenay in baacsiga dowladdu ee saraakiisheeda uu hakiyay qorshihii ay ugu diyaargaroobi lahaayeen doorashada.
Berhanu Nega ayaa sheegay xisbigiisu, Ethiopian Citizens for Social Justice, uu gudbiyay in ka badan 200 oo cabasho kaddib markii korjoogayaashiisii ku sugnaa dhowr gobol ay hor istaageen saraakiisha maxalliga ah iyo maleeshiyaadba.
Abiy Ahmed oo 2019 ku guuleystay abaalmarinta Noble Peace Price ayaa faraha la galay dagaalka Tigray oo qasaare badan iyo macaluul ka dhashay.
