Xafiiska Ra’iisal wasaaraha Soomaaliya ayaa ku jira xaalad cakiran oo ka dhalatay isbedelka Ra’iisal wasaarayaasha kadib markii uu xilka la wareegay Cumar C/rashiid Cali. Shaqaalaha xafiiska, agaasimeyaasha, agaasime waaxeedyada iyo la-taliyeyaasha ayaa ka badan 100 xubnood, waxaana usii weheliya ku dhowaad 100 kale oo shaqo sugayaal ah, kuwaasoo xafiiska ku soo biira markii uu Ra’iisal wasaare cusub yimaado.
[ad name=”HTML-2″]
Cumar C/rashiid markii uu xilka qabtay wuxuu meel iska dhigay dhammaan shaqaalihii iyo madaxdii hore ee xafiiska wuxuuna la yimid laba shaqsi oo isagu uu wato oo ay saaxiibo iyo xigto yihiin.
1. Maxamed Cumar Carte oo markii danbe loo magacaabay xilka Ra’iisal wasaare ku xigeen aan heynin jago wasaaradeed, waxay shaqadiisu noqotay inuu xafiiska Ra’iisal wasaaraha rigli ku noqdo.
2. Maxamed Cali-Nuur Xaaji oo Cumar C/rashiid u magacaabay xoghayaha joogtada ah ee xafiiskiisa, waana xigto dhinaca hooyada ah, wuxuu la wareegay dhammaan awoodii xafiiska Ra’iisal wasaaraha.
3. Afar wasiiru dowle oo xafiiska Ra’iisal wasaaraha ku magacaaban, kuwaasoo kala ah:
- Burci Maxamed Xamsa Wasiiru-dawlaha Xafiiska Ra’iisul Wasaaraha ee Bii’adda (Deegaanka)
- Caadil Sheegow Sagaar Wasiiru-dawlaha Xafiiska Ra’iisul Wasaaraha ee Xiriirka Baarlamaanka
- Shariif Maxamed Xasan Wasiiru-dawlaha Xafiiska Ra’iisul Wasaaraha ee Arrimaha dib u-habaynta Maaliyadda
- C/raxmaan Kulmiye Xersi Wasiiru-dowlaha xafiiska Ra’iisal wasaaraha
Dhammaan arrimahan waxay uga sii dareen xafiiska oo markii horeba is dul saarnaa, laguna dhib qabay.
Xaaladda xafiiska Ra’iisal wasaaraha oo meel xasaasi ah mareysa waxaan ka eegi doonnaa dhinacyo badan laakiin waxaan hordhac ahaan maanta u soo qaadaneynaa:
A. LA-TALIYEYAASHA RA’IISAL WASAARAHA
Kooxdani waxay ahaayeen dad fara badan oo siyaasiyiin iyo odayaal la yaqaan u badan, waxayna ka badan yihiin ilaa 25 la-taliye, waxaana dhowaan lagu amray inay shaqada dib u soo dalbadaan, taasoo micnaheedu yahay in xilalkii ay hayeen laga xayuubiyay. Qoraal ka soo baxay xoghayaha joogtada ah ee xafiiska Ra’iisal wasaaraha Maxamed Cali-nuur Xaaji, 11-kii Feberaayo 2015 ayaa wareegto uu soo saaray ku caddeeyey in dhammaan la-taliyeyaashii Ra’iisal wasaaraha ee ka horeeyay 2015 ay dib u soo codsadaan shaqadooda muddo toddobaad gudihiis ah, soona gudbiyaan dokumentiyo badan oo ay ku jiraan CV-yadooda, shaqadii ay hayeen warbixin ku saabsan iyo halka ay mushaarka ka qaadan jireen?!!.
[ad name=”HTML-3″]
Arrintan oo ka yaabisay la-taliyeyaashii hore ayay intooda badan u arkeen inay meel ka dhac ku tahay, qoraalka warqada iyo farriinta ay xambaarsan tahay, waxayna diideen inay u hogaansamaan amarka xogahaye Maxamed Cali-Nuur. Wararka qaarkood ayaa sheegaya in Ra’iisal wasaare Cumar C/rashiid ka meermeeray inuu jawaab waafi ah siiyo xubnahaasi oo qaarkood ay u dacwoodeen, kuna sheegay inay tahay nidaam iyo dib u habeyn xafiiska.
HALKAN GUJI SI AAD U AKHRISATO WAREEGTADA XOGHAYAHA CUSUB EE JOOGTADA AH XAFIISKA RA’IISAL WASAARAHA KASOO SAARAY LA-TALIYEYESHA.
[ad name=”HTML-4″]
Ma cadda hadda waxa ay ku danbeyn doonaan la-taliyeyaashii Ra’iisal wasaaraha iyadoo aan si cad loo shaacin in shaqada laga fariisiyay, haddii ay jiraan qaar laga soo reebay soddomeeyada xubnood iyo in arrintooda xal kale loo raadinayo.
Wadani.com
Muqdisho
[ad name=”HTML”]
[ad name=”HTML-5″]
