Wararka laga helayo Madaxtooyada ayaa sheegaya in madaxweynaha cusub ee Soomaaliya Maxamed C/llaahi Farmaajo uu taageero lacageed ka helay ganacsato iyo shirkado gaara.
Deeqahan lacageed ayaa madaxweyne Farmaajo loo siiyay qaab shaqsiyaad oo lagu taageerayo isaga ayaa loo gacan geliyay intii uu deganaa Hotelka Jazeera ee magaalada Muqdisho oo aanu xilka la wareegin.
Guddi ay leeyihiin ganacsatada ka kooban xubno ka socday Rugta Ganacsiga oo la kulmay madaxweynaha ayaa la sheegay inay lacag ka badan 1 Milyan oo Doolar siiyeen madaxweyne Farmaajo si uu ugu adeegsado howlihiisa gaarka ah.
Dhinaca kale shirkadaha Hormuud iyo Dahabshiil oo ka mida shirkadaha ugu waaweyn Soomaaliya ayaa la sheegay inay lacago siiyeen madaxweyne Farmaajo.
Hore ayay Ganacsatada Muqdisho sidan oo kale waxay lacag dhowr milyan doolar ah siiyeen madaxweynihii hore Xasan Sheekh Maxamuud kadib kulan ay la yeesheen isla markii la doortay, isagoo ka dalbaday inay lacagahaasi ku shubaan Bankiga Dhexe.
Lacagaha noocan oo kale ah ayaa dadka qaarkii u heystaan inay yihiin sharci darro iyo qorshe lagy doonayo in lagu laaluusho madaxweyne kasta oo xilka qabta.
Wadani.com
