Xildhibaanada isbedel-doonka la baxay ee sida weyn u taageeray madaxweyne Maxamed C/llaahi Farmaajo ayaa hadda bilaabay olole ayku dooanayaan in kalsoonida loogu diido xukuumadda uu magacaabay Ra’iisal wasaare Xasan Cali Kheyre.
Xildhibaanadan ayaa isla xalay bilaabay qoraal ku saabsan in dib loo celiyo xukuumadda la dhisay oo ay ku tilmaameen mid aan xaaladda dalka waxba ka qaban karin, kana horjeeda isbedelkii dadka Soomaaliyeed ay filayeen.
Xildhibaan Idiris Cabdi Dhaqtar oo kasoo jeeda Koonfur Galbeed oo isu sharxay xilka guddoomiyaha Baarlamaanka dhowaan ayaa sheegay inay u socdaan shirar ay ku doonayaanin kalsoonida loogu diido xukuumadda cusub.Xildhibaanada ololaha ku jira waxaa ka mida C/llaahi Goodax Barre oo si weyn uga horjeeday in dib loo doorto madaxweynihii hore Xasan Sheekh Maxamuud, xildhibaano dhowr ah oo taageersanaa dib u doorash
sada Xasan Sheekh.
Waxaa xusid mudan in dhammaan musharixiintii isbedeldoonka iyo siyaasiyiintii sheegtay inay ka danbeeyeen doorashada Madaxweyne Farmaajo ay iska waayeen liiska golaha wasiirada cusub ee xukuumadda Soomaaliya.
HOOS KA AKHRISO LIISKA MUSHARIXIINTA MADAXWEYNE EE ISKA WAAYAY
1- C/qaadir Cali Cosoble
2- C/raxmaan C/shakuur Warsame
3- Jibriil Ibraahim Cabdulle
4- Maxamuud Axmed Nuur (Tarsan)
5 – Maxamed Cali Nuur (Ameeriko)
6 – C/naasir Maxamed Cabdulle
7 – Cali Xaaji Warsame
8 – Saciid C/laahi Dani
9- Maxamed Maxamuud Culusow
10- Saciid Ciise Maxamuud
11 – Bashiir Raage Shiiraar
12- C/laahi Ciilmooge Xersi
13 C/laahi Cali Gees
14- Zakariye Maxamuud Xaaji
14 musharax oo Farmaajo ka sugaayay inuu ku tixgeliyo isbaheysigii doorashada si ay wasiiro uga noqdaan xukuumadda cusub ayaa meesha ka baxay, taasoo dhalisay inay isu bedeleen mucaaarad ka horjeeda inay xukuumadda cusub marto baarlamaanka.
Qaar ka mida musharixiinta ayaa dalka isaga tegay, halka qaar kale ay gaabsadeen. Musharaxi ugu horeeyay ee hambalyada u diray xukuumadda cusub ayaa noqday siyaasiga Cali Xaaji Warsame, laakiin qaar kale ayaa ololaha wada ololaha diidmada xukuumadda cusub.
Guuxa ka dhex jira xildhibaanada ee ku saabsan diidmada xukuumadda cusub ayaa intiisa badan ah xildhibaano doonayay xilal wasiir oo iska waayay golaha cusub.
Wadani.com
