Wasiir ka tirsan xukuumadda Soomaaliya ayaa shaaciyay inuu heshiis 10 sanadood socon doona uu la soo saxiixday shirkad aanu magacaabin oo Turkiga laga leeyahay, shirkadaas ayuu sheegay inay ka shaqeyn doonto hubinta tayada cuntooyinka iyo alaabaha Soomaliya la keeno iyo kuwa laga dhoofinayo.
Wasiirka Ganacsiga iyo Warshadaha xukuumadda Soomaliya /raxmaan Cabdi Cusmaan oo dhowaan safar ku tegay dalalka Kuwait, Turkiga iyo Taliyaaniga ayaa maanta ku dhawaaqay arrintan markii uu dib ugu laabtay Muqdisho.
“Shirkadani mudo badan ayuu wada hadal inoo socday, kadibna khubaro nala socotay ayaa ku qanacday inaan qaadano lana galno heshiis” ayuu yiri wasiirka oo sheegay inuu muddo dheer wadahadal u socday labada dhinac, inkastoo wasiirku muddo saddex bilood oo kaliya xilka hayo.
Heshiisyada lala galo shirkadaha Turkiga ayaan waxaa caado noqotay inaan marna laga ansixin Baarlamaanka Soomaaliya, iyadoo heshiisyo shirkado hore lala galay lagu fashilmay in Baarlamaanka la hor keeno, heshiisyadaasi waxaa kamida kuwa lagula wareegay maamulka Garoonka Aden Cadde iyo Dekadda weyn ee Muqdisho.
Wadani.com
[ad name=”HTML-1″]
[ad name=”HTML-6″]
