Guddoomiyaha Gobolka Banaadir ayaa hakiyay isu soo bax lagu waday inuu maanta ka dhaco magaalada Muqdisho.
Isu soo baxa ayaa ujeedkiisu ahaa in looga horjeesto xubnihii lagu kordhiyay Aqalka sare ee Soomaaliya, kaasoo aan wax xubno ah laga siinin Gobolka Banaadir.
Maamulka iyo Guddoomiyeyaasha Gobolka Banaadir oo shalay shir degdeg ah ka yeeshay arrintan ayaa go’aamiyay in bannaanbaxyo nabadeed laga bilaabo caasimadda, si loo muujiyo diidmada dadka Gobolka Banaadir ee dhismaha aqalka sare.
Xogta laga helayo xarunta Gobolka banaadir ayaa sheegeysa in Wasaaradda Arrimaha gudaha ay joojisay isu soo baxa, kadib markii ay faragelin ku sameysay si toos ahna wasiirk arrimaha gudaha amar u siiyay Guddoomiyaha Gobolka Banaadir, iyadoo sabab loo dhigay in xaalad amni iyo qalalaase ay ka dhalan karaan.
Guddoomiyaha Gobolka Banaadir Yuusuf Xuseen Jimcaale ayaa la sheegaa inuusan qaadan karin go’aan aanay raali ka ahayn madaxda sare ee dowladda federaalka.
Wadani.com
