Iyadoo shirka iskaashiga Soomaaliya iyo Beesha Caalamka ee hiigsiga cusub maanta ka furmayo magaalada Copenhagen ee dalka Denmark ayaa waxaa shirkaasi Soomaaliya uga qeyb galaya madaxweyne Xasan Sheekh Maxamuud iyo wafdi uu hoggaaminayo iyo madaxda maamulada kale ee dalka ka jira iyadoo ay dhinaca kale taagan tahay xiisada siyaasadeed ee ka dhaxeysa Madaxweynaha iyo Ra’iisal wasaaraha.
Wafdiga madaxweynaha ayaa ahaa mid uu hore u xushay Madaxweynaha laftiisa oo ku kooban xubnaha Golaha wasiirada inta isaga taageersan, waxaana kaliya oo wasiirada taageersan Ra’iisal wasaaraha nasiib u yeesha in shirkaasi ay ka qeyb gasho wasiirka Haweenka Khadiija Maxamed Diiriye oo hormuud u ah wasiirada ugu cadcad ee taageersan Ra’iisal wasaaraha.
Ra’iisal wasaaraha oo si hoose ay u taageereyso Beesha Caalamka oo diidan in xilligan la rido xukuumada ayaa cadaadis weyn ku haya Xasan Sheekh, halka Madaxweynaha uu dagaal aan waxba loola harin isaga iyo kooxdiisa ku hayaan Ra’iisal wasaaraha. Shirka Copenhaga
n ayaa la sheegay in laga dhigay mid heer hoose ah kadid markii khilaafka madaxda Soomaaliya soo if baxay.
