Kursigii ugu danbeeyay ee Baarlamaanka Soomaaliya oo ka soo jeeda Gobollada Waqooyi ayaa maanta lagu doortay magaalada Muqdisho.
Kursigan oo ay lahayd mid ka mide beeaha kasoo jeeda Somaliland ayaa loo qoondeeyay inay haween qura ku loolamaan, waxaana ku soo baxday oo ku guuleystay Huda Axmed Cali oo heshay 45 cod.
Waxaa sidaasi ku soo dhammaaday doorashadii xildhibaanada kasoo jeeda gobollada Waqooyo oo ahaa 46 xildhibaan, waxaana 15 ka mida ku soo baxay haween, taasoo ka dhigeysa in xildhibaanada kasoo jeeda Somaliland ay doorteen in ka badan qoondadii haweenka oo ay gaareen 32%.
Xildhibaanada Golaha shacabka waxaa ka harsan 5 xubnood oo xildhibaanimadooda la laalay kadib markii Guddiga xalinta khilaafaadka ay isku qabsadeen sharcinimadooda.
5-taas kursi ayaa u baahan in dib loo doorto, waxaana muran ka taagan yahay halka lag dooranayo oo beesha caalamka iyo maamul goboleedyada ay isku hayaan xilli. Guddoomiyaha Guddiga Doorashooyinka ayaa sheegay in arrintan tahay mid siyaasadeed oo u baahan in xal laga gaaro.
Wadani.com
