Xaalada magaalada Beledwweyne ee Gobolka Hiiraan ayaa weli kacsan iyadoo dagaalo qaraar oo si lama filaan ah saaka halkaasi uga qarxay ay si goosgoos ah u socdaanm waxaana dagaalkaasi u dhaxeeyaa laba maleeshiyo beeleed oo hore u dagaalamay kadibna heshiis dhex maray.
Xaafada Howlwadaag eeGalbeedka magaalada Beledweyne ayaa dagaalku dib uga qaraxay iyadoo ilaa hadda lagu dilay 10 qof oo isugu jira maleeshiyadii dagaalameysay iyo dad rayid ah. Dhaawaca ayaa la sheegayaan inuu ka badan yahay 15 ruux.
Askari ka mida ciidamada AMISOM ee ka soo jeeda dalka Jabuuri ayaa la sheegay inuu ku dhintay dagaalka markii rasaas ay haleeshay.
Xaaladda magaalada ayaa cakiran iyadoo dadweyne fara badan oo ka cararaya rasaasta ay ka barakaceen guryahooda, waxaana hubka culus la isku weydaarsanayaa magaalada dhexdeeda.
Lama oga sababta dib u soo nooleysay xiisad coladeed ee magaalada iyadoo hore loo heshiisiiyay, waxaana jirtay in qof la dilay ay isku eedeyeen labada beelood ee xiisadu ka dhaxeyso. Wararkii ugu danbeeyay sheegayaan in dagaalku weli socdo inkastoo dadaal nabadeed ay bilaabeen odayaasha beelaha magaalada.
Wadani.com
